Untitled Document
Untitled Document "Kitabxana xalq, millət üçün, cəmiyyət üçün müqəddəs bir yer, mənəviyyat, bilik, zəka mənbəyidir"  Azərbaycan xalqının ümummilli lideri Heydər Əliyev.
Untitled Document
Ana səhifə
 
Untitled Document













Untitled Document
T Ə D B İ R L Ə R
 
 

 

MKS- nin 4,6,12 və 20 saylı kitabxana filiallarında 20 07-27.07.2016- cı il tarixində Mütaliə həftəsi keçirildi. Mütaliə həftəsi ərzində açıq havada müxtəlif kitab sərgiləri təşkil olundu. Sərgi iştirakçılarına kitabxanaçılar sərgidə olan ədəbiyyatlar haqqında məlumat verdilər. Oxucuları maraqlandıran suallar cavablandırıldı. Bu həftə ərzində müxtəlif kitablardan ibarət olan sərgilər təşkil olundu. Təşkil olunan sərgilər oxucular tərəfindən maraqla qarşılandı. Mütaliə həftəsi boyu maraqlı və müxtəlif başlıqlar altında sərgilər keçirildi. 

 
 

 

Gəncə şəhər Mərkəzləşdirilmiş Kitabxana Sisteminin –5 və 18 saylı kitabxana filialı birlikdə 11 - 17.07.2016 –cı il tarixlərdə mütalıə həftəsi keçirdi. Həftənin 3 gününü İstanbul küçəsində yerləsən kiçik parkda,həftənin digər 3 gününü Bursa kücəsində kitablarıın sərgisini təşkil etdik. Mütaliə həftəsində ərazidə yerləşən Təcilı Tibbi Yardım Stansiyasının, Dizinfeksiya İdarəsinin, Uşaq poliklinikasının kollektivi və ətrafda yaşayan əhali fəal iştirak etdi.Əhaliyə müxtəlif səpgidə, Azərbaycan dilinə, tariximizə, həsr olunmuş kitablar, eyni zamanda xarici və bədii ədəbiyyatlar, detektiv janrda kitablar nümayiş olundu.Bunlarla yanaşı sərgilənən məlumat ədəbiyyatları oxucuların marağına səbəb oldu.

Mütaliə həftəsində 200-ə yaxın kitab nümayiş olundu, 400-n artıq insan istirak etdi və kitabxanamıza 30 nəfər yeni oxucu yazılaraq, kitab götürdü.Mütaliə həftəsinin keçirilməsində məqsəd fondlarımızda olan müxtəlif səpkili ədəbiyyatların təbliği və eyni zamanda kitabxanamıza yeni oxucuları cəlb etmək, oxu mədəniyyətini inkişaf etdirməkdir.

 

 
 

”Kitab mənim dostumdur"

MKS-nin 2 saylı kitabxana filialında iyul ayının 5-dən 12-nə kimi mütaliə həftəsi təşkil olundu. Mütaliə həftəsi əsasən Heydər Əliyev prospektində və Asan Xidmətin ərazisində keçirildi. Tədbirdə müxtəlif yaş qrupundan olan oxucular iştirak etdilər. Onlar daha çox bədii ədəbiyyatlarla maraqlandılar.Yaşlı oxuculardan bəziləri Salam Qədirzadənin, Mehdi Hüseynin, İlyas Əfəndiyevin, Fərman Kərimzadənin əsərləri ilə, gənc oxucular isə ən çox Varisin, Elxan Elatlının, Müşfiq Xanın əsərləri, Rus ədəbiyyatından M.F.Dostoyevskinin əsərləri, Dünya ədəbiyyatından olan əsərlər ilə maraqlandılar. Mütaliə həftəsində 370 nəfər müraciət etdi. 152 kitaba baxış oldu. Kitabxanamıza 16 nəfər yeni oxucu yazılaraq kitab götürdü. Tahir Kazımovun “Qisas”, Xalid Hüseyninin” Çərpələng uçuran”, T.Drayzerin” Dahi”, Ə.Hacızadənin” Təyyarə kölgəsində”, Çingiz Abdullayevin əsərləri, gənc yazarların əsərləri bir neçə dəfə istənildi. Ən çox diqqət mərkəzində olan kitab Milli Qəhrəman Mübariz İbrahimova həsr olunmuş Yəhya Yusif Caniyarın “Turan Mübarizi” kitabı oldu.Tədbirdə insanların dünyagörüşlərinin formalaşmasında kitabın, mütaliənin əhəmiyyətindən, kitabın bilik mənbəyi olmasından danışıldı. Hüseyn Cavidin bu sözləri şüarımız oldu: “Turana qılıncdan daha kəskin ulu qüvvət, Yalnız mədəniyyət, mədəniyyət, mədəniyyət!” Mütaliə həftəsinin keçirilməsində məqsədimiz oxucuların kitabxanaya cəlb olunması və filialın kitablarını təbliğ etməkdən ibarət olmuşdur.  

 
 

”Gəlin kitab oxuyaq"

Gəncə şəhər Mərkəzləşdirilmiş kitabxana Sisteminin 1 saylı Kitabxana filialında 15.07.2016-ildən -20.07.2016-cı il tarixinə kimi mütaliə həftəsi keçirildi. Kitabxananın qarşısında başlayan “Gəlin kitab oxuyaq” , “ Mənim sevimli yazıçım”, “Kitab ən yaxın dostumuzdur”, Nağıla gəlin ,dostlar “ və s. başlıqlı kitab sərgisi bir neçə məkanda keçirildi. Müxtəlif yaş qrupundan olan insanlar sərgiyə baxdılar və ondan yararlandılar . Həftə ərzində bədii ədəbiyyata daha böyük maraq göstərildi. Kiçik yaşlı oxucular isə nağıllar aləminə baş vurdular. Tədbir ərzində 600 – dən artıq insan sərgilərdə iştirak etdilər,68 yeni oxucumuz oldu.

 

 
 

”Mütaliə həftəsi"

Gəncə şəhər Mərkəzləşdirilmiş Kitabxana Sisteminin Uşaq şöbəsi ”Mütaliə həftəsi” çərçivəsində 07.07.16.-cı il tarixindən 14.07.16-cı il tarixinədək mütaliə həftəsi keçirtdi.Tədbirin keçirilməsində məqsədimiz müxtəlif yaş qruplarından olan uşaqların yay tətili günlərində asudə vaxtlarının səmərəli keçirməsi, kitaba, ədəbiyyata marağını artırmaq, onları qiraət etməyə həvəsləndirmək, kitabxanaya cəlb etməkdir. Xidmət zamanı milli-mənəvi dəyərlərimizə, bədii ədəbiyyatımıza , mədəniyyətimizə və xalq ədəbiyyatımıza, uşaq ədəbiyyatına dair 1000-ə yaxın kitab sərgiləndi. Əsasən nağıllardan ibarət olan kitablar kiçik yaşlı uşaqların marağına səbəb oldu. Tədbirdə Azərbaycan ədəbiyyatı ilə yanaşı xarici ədəbiyyat da təqdim oludu. Mütaliə həftəsi Xan bağında və kitabxanaın ətrafında olan parkda keçirildi. Ümumilikdə xidmət zamanı kitabxanamıza 148 nəfər yeni oxucu cəlb olundu.

 
 

”Azərbaycan da Multikulturializm"

14.07.2016-cı il tarixi Məhsəti Gəncəvi Mərkəzində yerləşən 11 saylı kitabxana filialında “Azərbaycan da Multikulturializm” başlığı altında söhbət keçirildi. Tədbiri giriş sözü ilə filialın kitabxanaçısı Gülnar Hüseynova açaraq tədbir iştirakçılarını salamladı və multikulturalizmin Azərbaycan xalqına tarixən xas olduğunu və onun tarixi kökləri, milli-mənəvi dəyərlərimizin, ədəbiyyatımızın, incəsənətimizin öyrənilməsində rolu haqqında geniş danışdı. Azərbaycan tarix boyu ərazisində yaşayan insanlara milliyətindən asılı olmayaraq qonşuluq şəraitində yaşayan bir ölkə olmuşdur. Azərbaycanın ərazisində yaşayan milli azlıqda olan millətlərin bütün nümayəndələri müasir Azərbaycan həyatında daima Azərbaycan naminə xidmətləri var. Milli adət-ənənələri, dilləri, yaşadığı coğrafi əraziyə uyğun arxitekturası, dini mənsubiyyətindən asılı olmayaraq dini məbədləri, məişət qaydaları bu günə kimi qorunub saxlanmışdır. Müasir Azərbaycan həyatında elm, təhsil, idman, dövlətin qorunmasında hərbidə dostluq və həmrəylik mövcuddur. Daha sonra soz Mədəniyyət evinin müdiri Pərvin xanıma verildi. O, Azərbaycan Prezidenti İlham Əliyevin 2016-cı ilin “Multikulturalizm ili” elan etməsini Azərbaycanda multikulturalizmin dövlət siyasətinin bariz nümunəsi olduğunu qeyd edib. Multikulturalizmin Azərbaycan modelinin yaranmasından, bu sahədə qazanılan uğurlardan və dünyaya nümunə olacağından, əsasını azərbaycançılıq ideologiyası təşkil etməsindən ətraflı danışdı.. Tədbirdə kitabxananın fəal oxucuları və Mədəniyyət evinin kollektivi iştirak etdi.  

 
 

“Təbiət bizim dostumuzdur”

13.07.2016-cı il tarixdə Mərkəzləşdirilmiş Kitabxana Sisteminin Uşaq şöbəsində Ətraf mühitin mühafizəsi günü ilə əlaqədar “Təbiət bizim dostumuzdur” başlığı altında sərgi-söhbət təşkil edildi. Sərgidə 19 adda kitab və 1 diskdən istifadə olunmuşdu. Tədbirdə MKS-nin Uşaq şöbəsinin müxtəlif yaş qruplarından olan oxucuları iştirak etdilər. MKS-nin Uşaq şöbəsinin kitabxanaçısı Sadıqova Kifayət sərgidə olan kitablar haqqında uşaqlara məlumat verdi. Onlara ətraf mühitin mühafizəsində uşaqların böyük rolunun olduğunu bildirdi. Kitabxanada sərginin təşkil edilməsində əsas məqsəd kitabxanada olan təbiət elmlərinə aid kitabları təbliğ etmək, təbiətin gözəlliklərini bir daha oxucuların nəzərinə çatdırmaq və sağlamlığımız üçün təbiəti təmiz saxlamağın vacib olduğunu bildirməkdir.

 
 

”Yay məktəbi"

Gəncə şəhər Mərkəzləşdirilmiş Kitabxana Sisteminin Uşaq şöbəsində uşaqların asudə vaxtlarının səmərəli keçirilməsi məqsədilə “Yay məktəbi” təşkil olıunmuşdur. Yay məktəbində “Tariximiz haqqında nə bilirik?” mövzusunda viktorina keçirilmişdir. Viktorinada iki komanda təşkil olunmuşdur: “Lalə” və “Nərgiz” komandaları. Uşaqlara bayrağımız, gerbimiz, himnimiz, müstəqilliyimiz və onun qəhrəmanları haqqında suallar verildi. Uşaqlar suallara maraq və həvəslə cavab verərək, viktorinada çox fəal iştirak etdilər. Qalib gələn komanda mükafatlandırıldı. Tədbirdə məqsədimiz uşaqların biliklərinin yoxlanılması, möhkəmləndirilməsi və Azərbaycanın tarixinə olan maraqlarının artırılmasıdır.

 
 

”Mütaliə həftəsi"

Mərkəzləşdirilmiş Kitabxana Sisteminin 7 saylı kitabxana filialının 2 - 8 iyul tarixində keçirdiyi “Mütaliə həftəsi Oxucuların yay istirahət günlərində asudə vaxtlarını səmərəli keçirmələrini təmin etmək, onları kitablara, mütaliəyə həvəsləndirmək, gəncləri boş vaxtlarda zərərli vərdişlərdən uzaq tutmaq, tarix i- mədəni irsi təbliğ etmək, kitablara, mütaliəyə məhəbbət aşılamaq məqsədilə 7 saylı kitabxana 2-8 iyul tarixində “Mütaliə həftəsi” keçirtdi. Sərgi 4 gün Fikrət Əmirov adına parkda, 3 gün isə kitabxananın nəzdində və həyətində keçirildi. Sərgi 5-8, 9-12, 13-17 və 17 – dən yuxarı yaş kateqoriyalarına bölünmüşdü.Oxucuların maraqlandıqları kitablar müxtəlif mövzularda. müxtəlif başlıqlar altında düzülmüşdü.Sərgidə Azərbaycan tarixinə, Ulu öndərin həyat və fəaliyyətinə, ekologiyaya, turizmə həsr olunmuş kitablar, müxtəlif yazıçı və şairlərin bədii əsərləri, nağıl kitabları nəfis tərtibatla göz oxşayırdı. İyulun 2-5 tarixində kitabxanamız Fikrət Əmirov parkında bütün kitab həvəskarlarını sevindirdi. Çoxlu oxucular axışdı, kitablar vərəqləndi, tanış oldular və abunə yazıldılar. O qədər maraqlı idi ki, uşaqlar kitabları əldən qoymaq istəmirdilər. Qalan 3 gün isə sərgi kitabxanada və kitabxananın həyətində keçirildi. Burada yenə kitablar “Qəhrəmanlarımızı tanıdaq” ,“Yaşıl dünya naminə” , “Xarici dilləri öyrənək”, “Azərbaycan tarixi” və s.başlıqlar altında sərgiləndi. Qeyd etmək lazımdır ki, hər gün sərgiyə gələnlərin sayı artırdı. Bu bizi sevindirirdi. Ən maraqlısı o oldu ki, bu 7 gündə kitabxanaya çoxlu sayda oxucular üzv yazıldı və sonda hər kəs öz maraq dairəsinə uyğun kitablar alaraq sərgidən məmnunluqla ayrıldılar. Bu 7 gün ərzində 500-ə yaxın kitab sərgiləndi, 50-ə yaxın yeni oxucu abunə oldu, 100-ə yaxın kitab evə verildi. Belə tədbirləri bütün yay ərzində davam etdirəcəyik.

 

 

 
 

”Mütaliə həftəsi"

Gəncə Şəhər MKS nin 9 saylı  kitabxana filialında iyul ayının 3 – dən 9-na kimi Mütaliə həftəsi keçirildı . Sərgidə  müxtəlif növlü ədəbiyyatlar nümayiş olundu.  Həftə ərzində kitabxanaya onlarla yeni oxucu abunə oldu. Sərgidən sonra kitabxanaya gələnlərin sayı demək olar ki, artıb. Sevindirici haldır ki bu oxucuların əksəriyyəti məktəblilərdi.Yay ərzində biz belə tədbirləri davam etdirərək məktəbli, eləcə də yuxarı yaşlı  oxucularımızın asudə vaxtlarının səmərəli keçməsinə çalışacağıq.

 
 

”Cənnət görmək istəyən Azərbaycana gəlsin"

07.07.2016-cı il tarixdə Məhsəti Gəncəvi Mərkəzində yerləşən 11 saylı kitabxana filialında Turizm günü münasibətilə “Cənnət görmək istəyən Azərbaycana gəlsin” başlığı altında foto slayd keçirildi. Tədbiri giriş sözü ilə filialın böyük kitabxanaçısı Elnarə Hüseynova açaraq tədbir iştirakçılarını salamaladı və Gəncənin tarixi abidələri haqqında  məlumat verdi. Qədim mədəniyyətin beşiyi, Nizaminin ana yurdu olan Gəncə şəhəri cənub-şərqdə Kiçik Qafqazın ətəyində, Gəncəçay çayının hər iki sahilində yerləşir. Gəncə şəhərində 504 tarixi abidə siyahıya alınıb. Bunlardan 288-nin dövlət tərəfindən qorunur.
Tədbirin sonunda  Gəncə şəhərində olan tarixi abidələr və turizm obyektləri haqqında foto slayd nümayiş etdirildi.

 
 

”Ramazan-Ruhumuzun bayramı"

 MKS- nin 6 saylı Gənclər  kitabxana filialı  05.07.2016- cı il tarixində “Ramazan-Ruhumuzun bayramı” başlığı altında söhbət  keçirildi.
      Tədbiri Gənclər kitabxanasının kitabxanaçısı Hüseynova Təmarə  açaraq tədbir iştirakçılarını salamladı və Ramazan bayramı münasibəti ilə təbrik etdi. O, bu müqəddəs bayram haqqında məlumat verdi: İslam dininin müqəddəs bayramları sırasında Ramazan bayramı mühün yer tutur.
 Ramazan ayı insanları gözəl niyyətlər və xeyirxah əməllər naminə birliyə çağırır, onları əmin amanlıq, qardaşlıq, mərhəmət, şəfqət və bərabərlik yoluna dəvət edir, əxlaqi saflığın xeyirxah əməllərin təntənəsini  nümayiş etdirir.
    Sonra söz  Elm mərkəzinin  işçisi Afaq xanıma  verildi. O bildirdi ki, orucluq ayında günün işıqlı vaxtı yemək, içmək, siqaret çəkmək, və s. olmaz. Qurani Kərimdə yazılır: “Sübh açılınca, ağ sap qara sapdan fərqlənincəyə qədər yeyib için; sonra gecəyə qədər orucunuzu tamamlayın”. Məhəmməd Peyğəmbər (s.ə.s) buyurmuşdur ki, Ramazan ayı gələndə cənnətin qapıları açılar, cəhənnəmin qapılarl bağlanar, şeytanlarda zəncirdə olar.
      Mövzu haqqında çıxış edən kitabxanamızın fəal oxucusu Hacıyeva Gülarə xanım söylədi ki, məhz Ramazan ayının axırıncı 10-gecələrindən birində Quran hədiyyə edilmişdir. O gecə edilən bütün dualar qəbul olunur. Bu gecə “Leylət al-qədr” qüdrətli, əzmətli gecə adlanır. Quranda bu gecə haqda belə yazılır: “Qədr gecəsi min aydan daha xeyirlidir! O gecə mələklər və ruh Rəbbinin izni ilə hə bir işdən dolayı yerə enərlər”.
     Sonda tədbir iştirakçıları Ramazan bayramı ilə bağlı öz təbriklərini çatdırdılar.

 
 

”Mənim polisim məni qoruyur"

01.07.2016-cı il tarixdə Məhsəti Gəncəvi Mərkəzində yerləşən MKS-nin 11 saylı kitabxana filialında 2 iyul - polis günü münasibətilə “Mənim polisim məni qoruyur” başlığı altında informasiya saatı keçirildi. Tədbiri filialın kitabxanaçısı Gülnar Hüseynova açaraq tədbir iştirakçılarını salamaladı və Azərbaycan polisinin tarixi haqqında məlumat verdi. Müstəqil dövlətimizin ən mühüm atributlarından, əsas sütunlarından olan Azərbaycan polisinin 97 yaşı tamam olduğunu bildirdi. Gülnar xanım Azərbaycan polisinin yarandığı gündən xalqın və dövlətin mənafeyinə ləyaqətlə xidmət etdyini. Asayişin və təhlükəsizliyin mühafizəsi, sabitliyin və əminamanlığın qorunması, cinayətkarlığa qarşı mübarizə kimi məsuliyyətli vəzifələri vicdanla yerinə yetirdiyini insanların təhlükəsizliyini qoruyaraq, cinayətkarlığa qarşı mübarizə apardıqlarını. Bundan başqa polisin sıralarında xeyli sayda “Milli Qəhrəman” adına, habelə orden və medallarla təltifə layiq görülənlər vardır. Bu gün Azərbaycan polisi öz peşəkarlığını artırmaqla yanaşı. eyni zamanda Beynəlxalq standarlara uyğunlaşdırılır. Dövlətimizin asayişini qorumaq onların üzərinə düşür, biz də hər zaman onlara dəstək olmağımızı oxuculara çatdırdı .Daha sonra isə, tədbir iştirakçıları həyatda polislərlə bağlı rastlaşdıqları xeyirxax hadisələrdən danışdılar.

  Arxiv...1. .2. .3. .4. .5. .6. .7. .8.Əvvələ

Untitled Document




Virtual sifariş
Sifarişlərin sayi: 861



Baxılıb:
??????? ?????????

free counters
     
Untitled Document
  Untitled Document

2007 Gəncə şəhər Mərkəzi Kitabxanası
Tərtibatçı: Ramil Ismayılov Dizayn: Sevda Baxşıyeva