“20 Yanvar Ümumxalq Hüzn günü ilə bağlı “Onlar Vətəni, Torpağı, Milləti və Dövləti canından artıq sevməyin simvollarıdır” adlı dəyirmi masa ”

17 Yanvar tarixində Gəncə şəhər Mərkəzi Kitabxananın Oxu zalında 20 Yanvar Ümumxalq Hüzn günü ilə bağlı “Onlar Vətəni, Torpağı, Milləti və Dövləti canından artıq sevməyin simvollarıdır” adlı dəyirmi masa təşkil edildi.
İlk öncə Qanlı 20 Yanvar Şəhidlərinin ruhu 1 dəqiqəlik sükutla yad edildi.
Tədbiri MKS-nin direktoru Elmira Əliyeva açaraq dünyamızın 20 Yanvar faciəsindən  danışdı: “1990-cı il yanvarın 20-si Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olmuşdur. Məhz həmin gün doğma yurdunun, xalqının azadlığını, şərəf və ləyaqətini hər şeydən uca tutan vətənpərvər Azərbaycan övladları həmin müdhiş gecədə canlarından keçərək şəhidlik zirvəsinə ucalmışlar.....”
Tədbirdə Gəncə Dövlət Universitetinin Tarix fakultəsinin baş müəllimi Yəhya Süleymanov, Gənc Vətənpərvələr Birliyinin Gəncə nümayəndəsi Elçin Axundov, birliyin üzvləri Mikayıl Əlizadə, Elnur Rüstəmov, kitabxananın fəal oxucularından Mübarək Hacıyev, Pərvin Hüseynov, Sevinc Axundova, GDU-nun “Tələbə və gənclər” təşkilatının üzvləri, kitabxananın direktoru Elmira Əliyeva, direktor müavini Fəridə Qədimova və işçi kollektivi iştirak edirdilər.
İştirak edənlərin hər biri Azərbaycanda, xüsusilə də Bakıda  misli görünməmiş faciədən, itkilərdən, günahsız insan olümündən ağrılı sohbətlər etdilər.
Tədbirdə 20 Yanvar faciəsi ilə bağlı sənədli film nümayiş etdirildi.
Oxu zalının müdiri Aidə Abdullayeva Bəxtiyar Vahabzadənin “Şəhidlər” şerini ifa etdi.
Sonda tədbir iştirakçıları 20 Yanvar faciəsi ilə bağlı təşkil olunmuş sərgiylə tanış oldular.

“Xudadad bəy Rəfibəyli – 135 ”.

MKS- nin 25 saylı kitabxana filialında 16.01.2012- ci il tarixdə görkəmli dövlət xadimi Xudadat bəy Rəfibəylinin anadan olmasının 135 illiyi münasibətilə “Görkəmli dövlət xadimi, cərrah - Xudadat bəy Rəfibəyli” adlı söhbət keçirildi. Tədbirdə 19 və 24 saylı məktəbin şagirdləri, digər fəal tələbə oxucularımız iştirak etdilər. Tədbirdə iştirak edən 24 saylı məktəbin dil-ədəbiyyat müəllimi Dürdanə xanım  Xudadat bəy Rəfibəylinin həyat və fəaliyyətindən söhbət açdı. O  Xudadat bəy Rəfibəylinin Gəncədə xalqa göstərdiyi yardımlardan, Azərbaycan Xalq Cümhuriyyəti dövründə özünün nüfuz və yüksək peşakarlığı ilə tutduğu vəzifələrdə Azərbaycan xalqı üçün çox böyük işlər gördüyündən danışdı.
Sonra kitabxanaçı Əliyeva Sevil diyarımızın tanınmış adamlarının həyat və faliyyətinin gənc nəsillərə tanıtmasını  kitabxanaçıların ən ümdə vəzifəsi olduğunu söylədi. Həmdə belə tədbirlərin tez-tez keçirilməsinin vacibliyini qeyd etdi.
         Sonda tədbir iştirakçıları Xudadat bəy Rəfibəyliyə həsr edilmiş sərgi ilə tanış oldular.

“Vətəndən kənarda xoşbəxtlik yoxdur”.
29.12.11-ci il saat 12.00 - da MKS-nin 1 saylı kitabxana filialında 31 Dekabr - Dünya Azərbaycanlılarının Həmrəylik Günü münasibətilə “Vətəndən kənarda xosbəxtlik yoxdur” başlığı altında söhbət keçirildi. Tədbirdə 4 və 6 saylı məktəbin  müəllim və şagirdləri iştirak edirdilər. Tədbiri giriş sözü iə 1 saylı kitabxana filialının böyük kitabxanaçısı Kəmalə Həsənova açaraq “Həmrəylik Günü” münasibətilə tədbir iştirakçılarını təbrik etdi və Həmrəylik günü haqqında geniş məlumatla çıxış etdi. O bildirdi ki, “Həmrəylik Günü” 1992–ci ildən dünyanın bütün ölkələrində yaşayan azərbaycanlılar tərəfindən xüsusi təntənə ilə qeyd edilir, Azərbaycan Respublikasında isə bu tarix dövlət bayramıdır. K.Həsənova çıxışında Azərbaycan Prezidenti İlham Əliyevin 31 Dekabr Dünya Azərbaycanlılarının Həmrəylik Günü  münasibəti ilə hər il xalqa müraciət etməsini xüsusilə qeyd etdi.
Tədbirdə iştirak edən şagirdlərin vətənimizin bölünməzliyinə. xalqımızın birliyinə, həmrəyliyinə aid söylədiyi şeirlər tədbir iştirakçılarına xoş təəssuratlar bəxş etdi.
Sonda  1 saylı kitabxana filialının müdüri Züleyxa Məlikova  çıxış edərək  öz sözlərini Dövlət başçısı İlham Əliyevin: “Fəxrlə deyə bilərəm ki, bu gün Azərbaycan həmişəkindən daha güclüdür. Bizim gücümüz tək iqtisadi və hərbi qüdrətimizlə deyil, həm də sıx birliyimizlə ölçülür. Ona görə də harada yaşamağımızdan asılı olmayaraq milli birlik və həmrəylik ideyaları, bizi birləşdirən əsas dəyərlər kimi, hər birimizin düşüncəsinə hakim kəsilməlidir” –      sözlərilə bitirdi.

21 Dekabr tarixdə Gəncə şəhəri Mərkəzi kitabxananın oxu zalında Mərkəzi kitabxana və “İlham” ədəbi birliyinin birgə təşkil etdiyi şəhid-şair Nizami Aydının 50 illik yubileyi və şairin həyat yoluna həsr olunmuş yazıçı Qərib Mehdinin “Nizami Aydın şəhidliyi” kitabının təqdimat mərasimi keçirildi.
Yazıçı Qərib Mehdi şəhid-şair Nizami Aydının keçmiş olduğu  qısa, lakin şərəfli həyat yolundan danişaraq tədbiri açdı.
Tədbirdə şairin ailə üzvləri, qızı, bacıları yaxın dostları, şair dostları olan şairə Nüşabə, Xəzangül xanım, Aydın Murovdağlı, şairə Aləmzər Əlizadə, Hüseyn Əsgəroğlu, Ramiz Təmkin, Bahadur Fərman, Firəngiz İdrisqızı, Ümbülbanu xanım və s. iştirak edirdilər.
İştirakçılar şəhid-şair Nizami Aydın haqqında ürək dolusu, göz yaşları ilə müşahidə edilən xoş xatirələrdən, qısa, ancaq yaddaqalan yaradıcılığından xoş sözlərlə çıxış etdilər, ona həsr etdikləri şeirlərini oxudular. Onun ailə üzvlərinə, həyat yoldaşı, oğul və qızına Allahdan səbr,şairin ruhuna rəhmət  diləyərək çiçək dəstələrini qızı Səidə xanıma təqdim etdilər.
Mərkəzi Kitabxananın direktor müavini Fəridə xanım Qədimova çıxış edərək tədbirin təşkilində və keçirilməsində yaxından kömək etdiyinə görə yazıçı Qərib Mehdiyə, səmimi və hörmətlə iştirak etdiklərinə görə bütün iştirakçılara öz minnətdarlığını  bildirdi.
Sonda yazıçı Qərib Mehdi şairin həyat və yaradıcılığından bəhs edən “Nizami Aydın şəhidliyi” kitabından bir neçə nüsxə şəhid-şairin  50 illik yubileyinin işığına toplaşanlara, onun ailə üzvlərinə və Mərkəzi Kitabxanaya təqdim etdi.

12 dekabr 2011 ci il tarixdə Heydər Əliyevin vəfatının 8-ci ildönümü münasibətilə Gəncədə də anım tədbirləri keçirildi.
Gəncənin mərkəzində Heydər Əliyevin adını daşıyan meydanda ilk olaraq şəhər rəsmiləri onun şərəfinə ucaldılan abidəni ziyarət edərək, önünə tər güllər düzüblər. Daha sonra şəhər içtimaiyyəti nümayəndələri abidə üzərinə gül-çiçək dəstələri qoyaraq H.Əliyevə öz ehtiramlarını bildiriblər.

ABŞ-lı xanım biznesmenlər Gəncəyə səfər edib.

05-06 dekabr 2011-ci il tarixdə Amerika Birləşmiş Ştatlarının ölkəmizdəki səfirliyinin dəstəyi ilə səfər edən sahibkar qadınlar məsələləru üzrə ABŞ mütəxəssisi xanım  Alisia Morqa  Gəncə şəhər Mərkəzi Kitabxanada yerləşən Amerika Mərkəzində  görüş keçirib.
Amerika Birləşmiş Ştatlarının ölkəmizdəki səfirliyi xüsusən regionlarımızda biznes fəaliyyətilə məşğul olmaq arzusunda olan qadınların maraqlarından danışıb. Belə ki,  internet marketinqi sahəsində uğur qazanmış xanım iş adamı Alisia Morqa səfirliyin dəstəyi ilə Azərbaycanın bölgələrində olaraq öz biznes uğurları haqda təcrübəsini bölüşdü.Buradakı çıxışında amerikalı xanım biznesmen öz həyatı və karyera addımları barədə ətraflı məlumat verib. Latın Amerikalı mənşəli xanım Morqa bildirib ki, doğulduğu çoxuşaqlı ailədə bir sıra maddi çətinliklərlə üzləşib. Bununla belə, sərbəst həyata atılarkən öz çalışqanlığı sayəsində tez bir zamanda uğur qazanaraq kifayət qədər varlı bir insana çevrilib. Nüfuzlu Stanford universitetində təhsil almağa müvəffəq olan xanım Morqa təhsil və biznes  sahəsində uğurlar haqda hekayəsini gənclərlə bölüşüb.

03.11. 2011 ci il tarixdə saat 15 - 00 da Mərkəzi Kitabxananın Oxu zalında "Nəsillərarası münasibətin cəmiyyətin formalaşmasında rolu" adlı maarifləndirici aksiyanın keçirilməsinə start verildi.
İlk öncə İcra hakimiyyətinin məsul işçisi Bədəlov Yadigar tədbir iştirakçılarını salamladı və nəsillərarası münasibətlərdən danışdı. Bədəlov qeyd etdi ki, Azərbaycan Respublikasının Ailə,Qadın və Uşaq problemləri üzrə Dövlət Komitəsi tərəfindən mütamadi olaraq ailədə və cəmiyyətdə milli dəyərələrin qorunub saxlanılaraq gələcək nəsillərə ötürülməsi, gənc nəslin yaşlı nəslə hörmət və məhəbbətinin tərənnümü istiqamətində maarifləndirmə kampaniyası həyata keçirilir.
Maarifləndirmə işlərinin davam etdirilməsi məqsədilə komitə tərəfindən "Nəsillərarası münasibətin cəmiyyətin formalaşmasında rolu" adlı aksiya  başladı.
   Sonra çıxış üçün söz  iştirakçılara verildi.
.        Tədbirdə Azərbatcan Texnologiya Universitetinin, GDU-nin, Müəllimlər institutunun, Uşaq yaradıcılıq , Rəssamlıq və İncəsənət məktəblərinin tələbələri, həmçinin veteranlar, yeniyetmələr iştirak edirdilər. Tədbirdə rəsm sərgisi və rəqslər nümayiş etdirildi. Yaxşı cıxış edən iştirakçılara hədiyyələr verildi. Bu tədbir ictimaiyyət tərəfindən böyük maraqla qarşılandı.

“QİCS-ə qarşı yox de!"

01 Dekabr tarixdə Gəncə şəhər Mərkəzləşdirilmiş Kitabxananın oxu zalında QICS-ə qarşı Umumdunya Mübarizə günü ilə bağlı “QİCS-ə qarşı yox de" adlı məruzə edildi.
Məruzəni oxu zalının kitabxanaçısı Aytən Əliyeva etdi. “QİÇS - Qazanılmış İmmun Çatışmazlığı Sindromu deməkdir. İİV-ə yoluxmuş insanlarda müdafiə (immun) sistemi zəifliyinə görə onlar bir çox xəstəliklərə asanlıqla tutulurlar.
Bu xəstəliklər ölümlə nəticələnir.”Məruzəni dinləmək üçün GDU-nun bir sıra tələbələri, M.C.Paşayev adına 39 saylı tam orta məktəbin şagirdləri, Gəncə Mədəniyyət və Turizm idarəsinin inspektoru Bəxtiyar Muradov, Gənc Vətənpərvərlər Birliyinin Gəncə nümayəndəsi Elçin Axundov, birliyin üzvlərindən Elnur Rüstəmov, Mikayil Əlizadə, Sevinc Əliyeva, Samirə Dadaşova, kitabxananın bir neçə əməkdaşı iştirak etdi.

Elektron kataloq
Web İRBİS 64 - Elektron Kataloqun Verilənlər bazalarında biblioqrafik informasiya axtarışı üçün proqram təminatıdır.

Virtual kitab sərgisi

Yeni kitablar

Gəncənin Milli Qəhramanları

2010 - cu ilin kitabxanaçısı

Gəncə sənətkarları

Kitabxana haqqında sənədli film

Əlaqə